طلب‏ ‏بسيط‏ ‏لأسرة‏ ‏بسيطة

فــي‏    ‏المساء‏.. ‏خلال‏ ‏مشاهدته‏ ‏المسلسل‏ ‏العربي‏ ‏القديم‏ ‏المعاد‏ ‏للمرة‏ ‏العشرين‏ ‏في‏ ‏التليفزيون‏ ‏الأبيض‏ ‏وأسود‏- ‏وبالتحديد‏ ‏عند‏ ‏عرض‏ ‏الإعلان‏ ‏المغري‏ ‏عن‏ ‏المـأكولات‏ ‏الذي‏ ‏قطع‏ ‏أحداث‏ ‏المسلسل‏- ‏قالت‏ ‏له‏ ‏زوجـته‏ ‏بصوت‏ ‏ممطــــوط‏: ‏

‏- ‏تعرف‏ ‏أنا‏ ‏نفسي‏ ‏في‏ ‏إيه؟‏! ‏

‏- ‏خير‏! ‏

‏- ‏خلاص‏.. ‏بلاش‏! ‏

‏- ‏وبلاش‏ ‏ليه‏. ‏ياشيخة‏ ‏قولي‏ ‏اللي‏ ‏نفسك‏ ‏فيه‏.. ‏ما‏ ‏أنا‏ ‏لسه‏ ‏قابض‏ ‏أول‏ ‏امبارح‏. ‏

‏- ‏أنا‏ ‏نفسي‏ ‏يا‏ ‏أبو‏ ‏عمر‏ ‏نتعشي‏ ‏في‏ ‏الحسين‏. ‏

‏- ‏والله‏ ‏فكرة‏!.. ‏دا‏ ‏أنا‏ ‏حتي‏ ‏ماروحتش‏ ‏الحسين‏ ‏من‏ ‏زمان‏.. ‏ياللا‏ ‏قومي‏ ‏إلبسي‏ ‏ولبسي‏ ‏العيال‏ ‏بسرعة‏.. ‏واللا‏ ‏أقولك‏.. ‏استني‏ ‏نصلي‏ ‏العشا‏ ‏وننزل‏ ‏علي‏ ‏طول‏.. ‏

تناول‏ ‏المظروف‏ ‏القديم‏ ‏المتهالك‏ ‏الذي‏ ‏يضع‏ ‏فيه‏ ‏راتبه‏ ‏دائما‏ ‏من‏ ‏داخل‏ ‏درج‏ ‏الكومدينو‏ ‏وأخذ‏ ‏يعد‏ ‏الوريقات‏ ‏المالية‏ ‏المتهالكة‏. ‏

‏- .. ‏عشرة‏.. ‏عشرين‏.. ‏تلاتين‏.. ‏تلتمية‏ ‏وأربعة‏ ‏وثمانين‏ ‏جنيه‏ ‏وربع‏.. ‏هذا‏ ‏هو‏ ‏كل‏ ‏المتبقي‏ ‏من‏ ‏المرتب‏.. ‏طيب‏ ‏أقسم‏ ‏الفلوس‏ ‏علي‏ ‏طلبات‏ ‏الشهر‏ ‏ولا‏ ‏أفسحهم‏ ‏الأول؟‏.. ‏يعني‏ ‏آخد‏ ‏كام‏ ‏من‏ ‏الفلوس‏ ‏عشان‏ ‏العزومة‏ ‏دي؟‏.. ‏مسألة‏ ‏صعبة‏! ‏

‏- ‏هيا‏ ‏حاتكون‏ ‏بكام‏ ‏يعني‏.. ‏قالها‏ ‏في‏ ‏نفسه‏ ‏بحسم؟‏ ‏

‏- ‏عشرين‏.. ‏تلاتين‏.. ‏بالكتير‏ ‏أربعين‏ ‏جنيه‏.. ‏الأحسن‏ ‏أخلي‏ ‏الفلوس‏ ‏كلها‏ ‏معايا‏.. ‏ماحدش‏ ‏ضامن‏ ‏الظروف‏ ‏مش‏ ‏مهم‏, ‏ما‏ ‏هي‏ ‏مرة‏ ‏في‏ ‏الشهر‏.. ‏ويمكن‏ ‏ما‏ ‏تتكررش‏ ‏غير‏ ‏كل‏ ‏كام‏ ‏سنة‏.. ‏مش‏ ‏خسارة‏ ‏في‏ ‏العيال‏ ‏وأمهم‏.. ‏كتر‏ ‏خيرهم‏.. ‏ما‏ ‏هم‏ ‏زهقوا‏ ‏من‏ ‏الأكل‏ ‏القرديحي‏ ‏معظم‏ ‏الشهر‏.. ‏أهو‏ ‏يغيروا‏.. ‏يا‏ ‏شيخ‏ ‏خليها‏ ‏علي‏ ‏الله‏ (‏قالها‏ ‏لنفسه‏ ‏في‏ ‏سره‏).‏

بعد‏ ‏الصلاة‏ ‏أخذ‏ ‏عائلته‏ ‏الصغيرة‏ ‏وخرجوا‏ ‏من‏ ‏شقتهم‏ ‏الصغيرة‏ ‏للبحث‏ ‏عن‏ ‏وسيلة‏ ‏مواصلات‏ ‏تقلهم‏ ‏للحسين‏.. ‏وجدوا‏ ‏ميكروباص‏ ‏يسير‏ ‏في‏ ‏منتصف‏ ‏الشارع‏ ‏وينادي‏ ‏صبي‏ ‏فيه‏:‏

ـ‏  ‏الحسين‏.. ‏الحسين‏. ‏الحسين

كان‏ ‏به‏ ‏مقعد‏ ‏واحد‏ ‏فارغ‏ ‏قال‏ ‏لها‏: ‏أهوه‏ ‏تقعدي‏ ‏أنتي‏ ‏ومش‏ ‏مهم‏ ‏احنا‏ .. ‏أهو‏ ‏نقف‏ ‏وخلاص‏. ‏

أشار‏ ‏للميكروباص‏ ‏وما‏ ‏ان‏ ‏ركب‏ ‏الابن‏ ‏الأصغر‏ ‏حتي‏ ‏صرخ‏ ‏صبي‏ ‏الميكروباص‏ ‏محذرا‏ ‏السائق‏: ‏

‏- ‏الحق‏ ‏يا‏ ‏اسطي‏ ‏الضابط‏ ‏جاي‏.. ‏

انطلق‏ ‏السائق‏ ‏بالصغير‏ ‏تاركا‏ ‏باقي‏ ‏الأسرة‏ ‏تصرخ‏: ‏

‏- ‏حاسب‏ ‏حاسب‏ ‏

قال‏ ‏أحد‏ ‏الواقفين‏: ‏

‏- ‏أجري‏ ‏وراه‏.. ‏الحقه‏ ‏في‏ ‏الإشارة‏ ‏اللي‏ ‏هناك‏. ‏

جري‏ ‏وراء‏ ‏السيارة‏ ‏ولحق‏ ‏بها‏ ‏بصعوبة‏ ‏حيث‏ ‏وجد‏ ‏ابنه‏ ‏منفطرا‏ ‏من‏ ‏البكاء‏ ‏والخوف‏. ‏

انفجر‏ ‏صارخا‏ ‏موبخا‏ ‏السائق‏ ‏الذي‏  ‏رد‏ ‏عليه‏ ‏ببرود‏: ‏

‏- ‏يعني‏ ‏لو‏ ‏كان‏ ‏الضابط‏ ‏أعطاني‏ ‏مخالفة‏ ‏بمية‏ ‏جنيه‏ ‏لما‏ ‏أقف‏ ‏في‏ ‏الممنوع‏.. ‏كنت‏ ‏حاتتدفعهم‏ ‏لي‏ ‏إنتا؟‏ ‏

‏- ‏ولما‏ ‏أنت‏ ‏خايف‏ ‏كدة‏ ‏بتحمل‏ ‏ليه‏ ‏في‏ ‏وسط‏ ‏الشارع؟‏ ‏

وبعد‏ ‏وصلة‏ ‏خناق‏ ‏احتضن‏ ‏ابنه‏ ‏وعاد‏ ‏لبقية‏ ‏الأسرة‏ ‏الواقفة‏ ‏علي‏ ‏رصيف‏ ‏وسط‏ ‏الشارع‏. ‏

قال‏ ‏أيمن‏ ‏الإبن‏ ‏الأصغر‏ : ‏مش‏ ‏لو‏ ‏كنا‏ ‏ركبنا‏ ‏تاكسي‏ ‏كان‏ ‏أحسن‏ ‏يا‏ ‏بابا‏! ‏

تجاهل‏ ‏صاحبنا‏ ‏هذه‏ ‏العبارة‏ ‏وظلوا‏ ‏في‏ ‏الانتظار‏ ‏بالمحطة‏ , ‏حتي‏ ‏وصل‏ ‏الأتوبيس‏ ‏فأسرعوا‏ ‏وسط‏ ‏تدافع‏ ‏وتزاحم‏ ‏الركاب‏ ‏ولما‏ ‏فشل‏ ‏في‏ ‏الحصول‏ ‏علي‏ ‏أي‏ ‏مقعد‏, ‏وقف‏ ‏يحيط‏ ‏بزوجته‏ ‏وابنائه‏ ‏يذود‏ ‏عنهم‏ ‏المتنطعين‏ ‏خائفا‏ ‏علي‏ ‏ثروته‏ ‏الصغيرة‏ ‏التي‏ ‏في‏ ‏جيبه‏ ‏من‏ ‏اللصوص‏.. ‏وبسبب‏ ‏هذا‏ ‏فقد‏ ‏ناله‏ ‏الكثير‏ ‏من‏ ‏الزغد‏ ‏والركل‏ ‏والضغط‏ ‏والفعص‏.‏

وبعد‏ ‏عناء‏ ‏طويل‏.. ‏انتبه‏ ‏علي‏ ‏صوت‏ ‏الكمساري‏ ‏الأجش‏: ‏

‏- ‏اللي‏ ‏نازل‏ ‏الحسين‏ ‏يستعد‏ ‏عند‏ ‏الباب‏ ‏بتاع‏ ‏السواق‏ ‏قدام‏.. ‏المحطة‏ ‏الجاية‏. ‏

نزلوا‏ ‏من‏ ‏الأتوبيس‏ ‏واتجهوا‏ ‏إلي‏ ‏النفق‏ ‏الذي‏ ‏دلفوا‏ ‏من‏ ‏خلاله‏ ‏إلي‏ ‏الجهة‏ ‏الأخري‏. ‏

مروا‏ ‏علي‏ ‏محل‏ ‏كشري‏ ‏أنيق‏.. ‏قالت‏ ‏له‏ ‏بغير‏ ‏حماس‏ ‏مختبرة‏ ‏إياه‏:‏

‏- ‏ما‏ ‏تيجي‏ ‏ناكل‏ ‏هنا‏ ‏وخلاص‏! ‏

قال‏ ‏بثقــة‏ ‏مبالغ‏ ‏فيها‏: ‏

‏- ‏كشري‏ ‏إيه‏ ‏يا‏ ‏أم‏ ‏عمر‏.. ‏خلينا‏ ‏ناكل‏ ‏حاجة‏ ‏مغذية‏.. ‏كباب‏ ‏وكفتة‏.. ‏كوارع‏ ‏مثلا‏.. ‏لحمة‏ ‏راس‏.. ‏وعند‏ ‏ذكره‏ ‏لكلمتي‏ ‏كباب‏ ‏وكفتة‏ ‏كانوا‏- ‏بالمصادفة‏ ‏البحتة‏- ‏يمرون‏ ‏من‏ ‏أمام‏ ‏محل‏ ‏للكباب‏ ‏والكفتة‏ ‏شوف‏ ‏يا‏ ‏أخي‏ ‏الصدف‏ ‏دي‏ ‏بتيجي‏ ‏إزاي‏! ‏

نشرت‏ ‏في‏ ‏الأهرام‏  ‏الطبعة‏ ‏العربية‏ ‏في‏ 7 / 3 / 2007‏

تصنيف : مقالات